ଭୁବନେଶ୍ୱର,୨/୪: ରାଜ୍ୟରେ ଇ- ଷ୍ଟାମ୍ପ ବ୍ୟାପକ ବ୍ୟବହାର ଯୋଗୁଁ ଷ୍ଟାମ୍ପ ବିକ୍ରିକରି ଗୁଜୁରାଣ ମେଣ୍ଟାଇ ପାରୁନଥିଲେ ଷ୍ଟାମ୍ପ ଭେଣ୍ଡର । ଇ-ଷ୍ଟାମ୍ପ ଶତକଡ଼ା ୯୦ବିକ୍ରି ହେଉଥିବା ବେଳେ ଷ୍ଟାମ୍ପ ପେପର ୧୦ଭାଗ ବିକ୍ରି ହେଉଥିଲା। ଏବେ ଷ୍ଟାମ୍ପ ଭେଣ୍ଡରଙ୍କ ଅବସ୍ଥା ସୁଧୁରିବ। ଏଣିକି ଷ୍ଟାମ୍ପ ଭେଣ୍ଡର କରିପାରିବେ ଇ-ଷ୍ଟାମ୍ପ ବିକ୍ରି। ସରକାରଙ୍କ ପକ୍ଷରୁ ୨ସପ୍ତାହ ପୂର୍ବରୁ ଏହି ଅନମତି ମିଳିଥିବା ବେଳେ ଆଜି ଷ୍ଟାମ୍ପ ଭେଣ୍ଡରଙ୍କ ଇ-ଷ୍ଟାମ୍ପ କେନ୍ଦ୍ର ଉଦ୍ଘାଟିତ ହୋଇଛି। ଭୁବନେଶ୍ବରଠାରେ ପୁରୁଣା ବିଏମ୍ସି କାର୍ଯ୍ୟାଳୟ ସମ୍ମୁଖରେ ଏହି କେନ୍ଦ୍ର ଉଦ୍ଘାଟିତ ହୋଇଛି। ଭୁବନେଶ୍ବର ସବ୍ ରେଜିଷ୍ଟାର ଜ୍ଞାନ ରଞ୍ଜନ ସାହୁ, ଖଣ୍ଡଗତରି ସବ୍ରେଜିଷ୍ଟାର ବିଶ୍ବଜିତ୍ ପ୍ରଧାନ ଓ ଷ୍ଟକ୍ ହୋଲଡିଂ ଓଡ଼ିଶା ମୁଖ୍ୟ ବିପିନ ବିହାରୀ ସାହୁ ଏହାକୁ ଉଦଘାଟନ କରିଥିଲେ। ଏଥିରେ ଭୁବନେଶ୍ବର ଷ୍ଟାମ୍ପ୍ ଭେଣ୍ଡର ସଂଘର ସଭାପତି ପ୍ରମୋଦ କୁମାର ଦ୍ବାଇଁ, ସାଧାରଣ ସମ୍ପାଦକ ବେଣୁଧର ମିଶ୍ର, ସମ୍ପାଦକ ବିନୋଦ କୁମାର ରାଉତ, ବିଜୟ କୁମାର ପଣ୍ଡା, ନିରଞ୍ଜନ ନନ୍ଦି, ଭାଗିରଥୀ ଚମ୍ପତି ଓ ସଂଘର ସଭ୍ୟମାନେ ଉପସ୍ଥିତଥିଲେ।
ଆଉ ହାତବାନ୍ଧି ବସିବେନି ଷ୍ଟାମ୍ପଭେଣ୍ଡର, ଷ୍ଟାମ୍ପ ଭେଣ୍ଡରଙ୍କ ଇ-ଷ୍ଟାମ୍ପ କାର୍ଯ୍ୟାଳୟ ଉଦ୍ଘାଟିତ
